الحرب الشعواء علي محمولي العزيز 2

معلش سبتكو يومين .. أصل امبارح كان يوم حافل الحقيقة .. ما علينا ، خلينا نرجع لأسباب و تداعيات الحرب علي جهازي الغلبان ..

كنت أتكلم في الجزء الاول من هذه التدوينة عن بعض ملاحظتي ، ويمكن تلخيصها فيما يلي :

١– لم أرى قط واحد ألماني، أو واحد فرنساوي أو واحد جنسيته أي حاجة تانية، يستخدم لغة غير لغته الام في تشغيل جهازه المحمول أو حتى جهاز الكمبوتر الخاص به

٢- لم أرى قط واحد ألماني، أو فرنساوي أو أي حاجة تانية يتحدث مزيج مفزع من لغته واللغة الانجليزية .. مع العلم أنه بما إن اللغة الانجليزية هي لغة التكنولوجيا ولغة العلم الحديث، فقد ادخلت مصطلحات عديدة إنجليزية في معظم لغات العالم، ولكن من يتحدث عادي كدة، مش بيقول كلمتين من لغته على كلمتين إنجليزي ..

٣-لم أرى قط شعبا يخجل من لغته ويحاول أن يوئدها بالشكل الذي يحدث في مجتمعنا .. فأصبح من يتحدث العربية أو يكتب العربية  فقط جيداً ، بيئة ..

٤- تتم دبلجة جميع الأفلام الانجليزية في السينما الألمانية  إلى اللغة الألمانية .. و مع إن هذا الأمر كان يعد مستفزاً جداً بالنسبة لنا كمجموعة طلبة لغتهم الألمانية لاتسمح بدخول فيلم بأكمله بالالماني (ومع إن أصوات الممثلين المعروفين تصبح مضحكة للغاية و هي مدبلجة ) فإن هذا الأمر جعلني احترم كثيراً هذه الارادة الألمانية الحديدية للحفاظ على لغتهم من الاندثار والتشويه .. وزاد من خجلي وغيرتي على لغتي الضائعة وثورتي على نفسي ..

ومن وحي هذه الملاحظات، ومن وحي خجلي من إعتزاز المجتمع الألماني الذي كنت أعيش به بالمقارنة إلى ما يحدث للغة العربية في مجتمعي ، تركت لغة تشغيل جهازي المحمول كما هي ،، العربية .. ليس في سبيل تقوية لغتي العربية مثلاً (لأن الترجمة أصلاً نصها أي كلام ) ، فقط للفت نظر من حولي إلى تقصيرنا في حق اللغة .. ومهمة الاهتمام والاعتزاز بها ..إندثار اللغة من أقوى أسلحة العولمة في تدمير الثقافة، وتدمير الانتماء ..

هذه أسباب قيام الحرب.. وفيما يلي بعض تعليقات من أعرفهم :

– أنا حاسة اني ماسكة موبايل واحد بتاع ديليفري (مع كامل احترامي الشخصي لجميع عاملي توصيل الطلبات للمنازل)

-لوول …ياي …اه د.. “قائمة الخيارات “؟؟ ضحك أوي .. ليه كدة ؟ هو الموبايل بايز ؟(مع نظرة عطف وشفقة )

-معلش يعني بس اللغة شكلها وحش و بيئة أوي عل شاشة

-أصل العربي مكلكع و مش بتاع الحاجات دي ( والله لو العربي مكلكع يبقى الألماني ده إيه ؟ أظن الألماني من أكثر لغات الدنيا كالكعه دة غير إن كلماته من أطول الكلمات من حيث عدد الحروف ! )

-لم يبقو يعملو “interface “عربي عدل أبقى أفكر فالموضوع (مين دول إلي يعملو أصلاً ؟ هي مش لغتنا احنا ؟ يبقى احنا إلي نعمل ولا لازم كل حاجة تجي لنا عل طبطاب ؟ )

-أصلا احنا مش used to it (ماهو لو دة كان الطبيعي ، زي أي بلد تانية ، كنا بقينا “used to it “)

– انتي عاوزنا ننسى الانجليزي إلي هو لغة العلم ولا إيه ؟ أصل العربي مش بتاع التكنولوجيا..ناقص كمان تقولي لي اتفرج على أفلام MBC Max  مدبلجة .. (مش دي النقطة … )

-ها ها ..تحفة أوي .. بس مش “cool” خالص ..

– ممكن أساعدك وأرجعهولك لو كنتي مش عارفة .. أصل مرة اتقلب مني صدفة برضه ..

يا جماعة .. أنا مش جاية أقول للناس تعمل محمولها عربي ، ومش جاية أعلن الحرب على الانجليزية ولا على السينما ولا أي بتنجان من الكلام دة .. أنا بس بحاول أقول إن اللغة دي لغة القرأن ، ولغتنا من ألاف السنين .. ليه نتبرى منها ؟ لماذا لا تشعرنا بالفخر ؟ ده الناس بتيجي من الشرق والغرب علشان تتعلم عربي .. الياي والبيئة مش اني أتكلم عربي .. العار اني أتنصل من أجمل و أثرى لغات العالم و”أتلزق” في لغات أخرى بحجة إن هذا دليل على ال-“High Class Education “.. تعلم لغة و اتنين و تلاتة و عشرة دة شيء رائع ، يفتح أمام الشخص فرص عديدة في العلم والعمل .. ولكن أدفن لغتي الأم ؟ لا ..

أحب أقول اني بقول الكلام ده إلى نفسي أولاً … و مش بحاول انتقد أحد بعينه .. و لكن لو بذلنا شوية مجهود، أكيد الموضوع هيختلف. كفاية اني بقيت أروح النادي ألاقي الام تكلم ابنها ذا ال-٦ سنوات قائلة “Ok Karim, go throw this in the basket please ” .. ليه يعني ؟ !

و سيبو موبايلي في حالو بقى ..

5 thoughts on “الحرب الشعواء علي محمولي العزيز 2

  1. 3amo LABIB says:

    keep up the good work
    اكملى العمل الطيب ! لول
    no, seriously that’s the essence of blogging, i wanna read more

    Like

  2. بجد انا عاجبني قوي الكلام ده ..
    انا كنت بترجم برنامج كده ل حد من بيلجيكا ..و بجد كنت مكسوف و انا باستجدم
    google translate
    في ترجمه بعض المصطلحات ..ف حسيت بنفس الحاجه والله

    اتمنى ان العربي ينتشر و يرجع لغه اساسيه ف حياتنا .. زي ما هو أساسي في ديننا

    🙂

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s